Үндэсний цэцэрлэгт хүрээлэнгийн даргаар Ү.Оюунзул томилогдлоо

2020-12-18 0

Үндэсний цэцэрлэгт хүрээлэн НӨТҮГ-ын даргаар НИТХ-ын төлөөлөгч Үнэнбатын Оюунзулыг сонгожээ. Ү.Оюунзул гэж хэн бэ?

Үнэнбатын Оюунзул нийслэл хотын хүн ам олонтой Баянзүрх дүүргээс нийслэлд сонгогдсон иргэдийн төлөөлөгч. Монгол Улсын их сургуулийг Улс төр судлаач, нийгмийн ухааны багш мэргэжлээр төгссөн. Төрийн захиргааны удирдлагын магистр зэрэгтэй тэрээр улс төрийн ууган хүчин Монгол Ардын намын дэргэдэх НАМЗХ-ны нарийн бичгийн дарга, НАМЭХ-ны Ерөнхий нарийн бичгийн дарга, Стратеги академийн дэргэдэх “Улс төрийн боловсролын институтын захирал зэрэг хариуцлагатай албан тушаалуудыг хашиж ирсэн.
Жирийн нэгэн төрийн албан хаагч, сэхээтний гэр бүлд төрсөн тэрээр амьдралын бодит байдал, энгийн бүхнийг мэдэрч өссөн. Сонгуулийн сурталчилгаагаа ч “Ардын охин-Ардын хүч” гэсэн тодотголтойгоор хийсэн нь хүмүүст их хүрсэн гэдэг. Үнэндээ л хамгийн их асуудал бэрхшээл хуримтлагдаж, иргэдийн сонгох улстөрийн итгэл буурсан байсан Баянзүрх дүүрэгт зориг гарган нэр дэвшиж, бас хамгийн өндөр саналаар ялалт байгуулсан нь түүний ямархан чамбай нэгэн болохыг илтгэнэ. “Зоригтой шинэчлэл хийж, хотын хөгжилд хүчээ нэгтгэе” уриатай өрсөлдсөн тэрээр улсын хөгжлийг хүний хөгжлөөс ялгаж салган ойлгох нь өрөөсгөл. Тэр ч утгаараа энгийн жижиг асуудал бүрийг орхигдуулалгүйгээр нааштайгаар шийдвэрлэх гарцыг ямагт олж байх ёстой гэж үздэгээ байнга хэлдэг.

Ийнхүү шинэхэн даргатай болсон нийслэлийн иргэдийн очих дуртай Үндэсний цэцэрлэгт хүрээлэнгийн хувьд одоо хэрхэн өнгө төрх нь өөрчлөгдөх бол гэсэн хүлээлт иргэдэд үүслээ. Учир нь нийт 973 га талбай бүхий газар нутгийг хамардаг тус цэцэрлэгт хүрээлэнгийн хувьд шинэчлэн сайжруулж, иргэдийн амарч тухлах орчныг бүрдүүлэн, олон улсын чанар стандартад нийцүүлэх шаардлага тулгараад байгааг иргэд ярьсаар ирсэн. Энэ л шаардлагын үүднээс түүнийг томилсон биз. Гэр орныг ээж хүн цэмцийлгэдэг шиг түүний улс төрийн туршлага, хувийн манлайлал энэ байгууллагыг илүү эмх цэгцтэй, гэрэл гэгээтэй болгож чадна гэж найдаж байна. Мөн өмнө нь орлогч дарга байхдаа хийж эхлүүлсэн ажил, олж харсан туршлага ч байгаа байх. Одоо Ү.Оюунзул энэ ажлыг хэрхэн хийж чадахаа харуулах л үлдлээ.

Холбоотой мэдээ

С.Ганбаатар: Банкны хуулин дээр ажиллаж байгаа залуу, зоригтой гишүүдээ өмөөрнө

УИХ-ын чуулганы өнөөдрийн нэгдсэн хуралдаанаар “Банкны тухай хуульд нэмэлт, өөрчлөлт оруулах тух

2021-01-22

Л.Оюун-Эрдэнийг Ерөнхий Сайдад нэр дэвшүүлнэ

Монгол Ардын Намын Удирдах Зөвлөлийн хурлаар УИХ-ын гишүүн, ЗГХЭГ-ын дарга, Монгол Улсын сайд

2021-01-22

“Д.Сумьяабазар сугарч үлдэлгүй огцрох ёстой” гэв

Цар тахлын эсрэг авч хэрэгжүүлж байгаа арга хэмжээнүүд нь оновчтой бус, хүнлэг бус байсан тул Монг

2021-01-22